呢段時期越來越多人想開網店將生意轉型網絡，紛紛都想開網店從而彌補線下因為疫情的生意損失。但係開網店嘅同時，無論你係自己製作定係外判比網頁設計公司做，以下係網店新手最常犯嘅5大錯誤你絕對需要知道：避免95%開網店都會犯的錯誤!
內文連結
錯誤1: 選擇錯誤的平台
要進軍網絡市場可以選擇嘅賣貨平台有好多，而一般都會選擇自架網站 因為可控制嘅範圍大好多，而且網站係屬於自己公司嘅資產 日後生意做大左都唔使寄人籬下，而最常見自架網站平台嘅有Wix, Shopify, WordPress等等。
然而選擇眾多，究竟邊一個先係最適合你嘅平台？
Shopify:
Shopify係非常火紅嘅自架電商平台，設定會比Wix/Wordpress簡單，因為有好多功能都係內置配有，例如收費系統，伺服器同網域寄存都會係月費包埋，而且教學亦都比較多，裏面亦有唔少免費功能可以下載使用，所以如果你係新手Shopify會係唔錯嘅選擇。
而唔好嘅係除咗月費計劃之外，Shopify會喺你嘅交易收取2-4%嘅交易費。
Wix:
Wix亦都係一個屬於比較容易嘅自架網站平台，操作方式提供左簡單嘅drag and drop編輯形式，Wix亦提供免費版本，對於新手係一個唔錯嘅選擇。
而唔好嘅係Wix嘅限制亦都係比較多，好多時只係可以做出樣板形式嘅網站，裏面有好多功能亦都係需要額外付費。
WordPress:
WordPress可以話係三個選擇入面功能同自由度最大嘅一個選項，同時亦都係技術要求相對上高，因為由網域購買、租伺服器至網頁製作都係由零開始。所以對於新手未必係一個合適嘅選擇，
然而如果你對Wordpress嘅操作熟悉的話，Wordpress會係最值得使用嘅平台，係之後做各種營銷例如SEO等等，Wordpress都會呈現到最佳嘅效果。
錯誤2: 沒有真正認識你的客戶
當起好網站之後，你一定迫不及待追你所有嘅貨品擺上新網站，然後滿心期待客戶會自動下單。
事實上，只係有產品同埋賣貨嘅平台係絕對唔會成事，除咗你嘅產品係唔係真系符合到你客戶嘅需求之外，懂得利用你客戶嘅心底話然後透過廣告接觸潛在客戶先係一間成功網店嘅第一步，而往往有好多老闆都唔能夠好清楚地認知潛在客戶，而只係希望將產品可以放在盡可能最多人眼前 期望佢哋自己會下單購買。
錯誤3：遺忘網站UX用戶體驗
用戶體驗亦都係最容易被忽略嘅一點，因為老闆們覺得網站只係一個比佢哋賣貨嘅地方，然而 當用戶去到你網站一味只係見到貨品嘅時候而搵唔到佢哋想睇嘅資訊，又或者網站嘅指示係模糊從而導致用戶體驗差，最終客戶都係會離開。
錯誤4: 複雜的結帳系統
結帳可以話係購買最重要嘅一步，相信如果你有網上購買嘅經驗的話，一個結帳程序複雜嘅網站係會令到你失去購買嘅意欲。係落晒廣告將潛在客戶帶到你嘅網站之後，即使對的產品遇上對的人 你絕對唔會希望輸係最後一步。
錯誤5: 沒有帶出品牌訊息
喺網絡世界上同一樣嘅貨品到處可見，而作為中小企為咗吸引客戶唔少人都會打價格戰，做得一個客得一個客。然而同行競爭激烈，你根本冇可能喺要賺取利潤嘅同時做最便宜嗰個。
所以當客戶進入到你嘅網站時，你要帶出到你品牌獨特嘅賣點同差異性，因為所謂「產品靚」，「性價比高」，「服務好」絕對唔稱得上你獨特嘅優勢。
當然你可以依賴成長營銷服務或是SEO服務去讓你的網店得到更多的曝光率，不過如果沒有解決以上的錯誤，你的網店得到的成效絕對不比解決後多。你亦能在 K.KS Marketing成長營銷庫得到更多啟發。